الكيكة الاسفنجية بالفواكة -هاك شوف 2015-

المقادير::

1 بيض

30 غرام سكر

20 غرام طحين

5 غرام طحين بطاطا او ممكن نشا بس انا ماجربت بالنشا

ياكينج باودر +كمية فانيليا كويسة

هاد عيار كل بيضة وبتضاعفي الكمية على حجم صينيتك, للقالب المدور يستخدم تقريبا 6او 7 بيضات *

الكيكة الاسفنجية اساسية باغلب انواع الجاتو عشان هيك في تفاصيل صغيرة لكن اساسية ومهمة لنجاح الكيكة ومنها..

- استعملي سكر حباته صغيرة ويا ريت لو مطحون

- البيض ما يكون ابدااااااا بارد ولا مستحيل ترتفع الكيكة

- االطحين لازم يتنخل والافضل مرتين

الطريقة التحضير::

- اخفقي البيض والفانيليا مع السكر لمدة 15 دقيقة متواصلة وليس 14 دقيقة

- اضيفي الطحين والباكينج باورد بخفة لحتى الكيكة ما تهبط وحركي من تحت فوق لحتى يختفي الطحين وححاولي قدر الامكان تقللي حركات ايدك لانه اعتبري انه بكل حركة انتي بتضيعي من كمية الهوا الي بترفع الكيكة...

- صبيها في صينية مدهونة ومرشوشة طحين و اسحبي بطرف الملعقة من خليط الكيكة على اطراف الصينية عشان توصل للارتفاع المطلوب

- اخبزيها على درجة حرارة c160 لمدة 35- 40 دقيقة

بعدين بتستنى الكيكة لتبرد وبتقطعيها وبتشربيها عصير انا هون حطيت برتقال وبتحطي مربى انا حطيت فراولة وتوت بري وطبقة كريمة بعديها بتحطي الفواكه المقطعة وانا بحب استخدم التوت مفرز لانه الطازج بيكون صعب بالاكل لما يكون جوا الكيكة وبتغلفيها يكريما وبتزينيها بمكسرات وفواكه

وصحتين